Уралдаант шалгаруулалтанд урьж байна .

Монгол улс хогноос болоод хөгжиж чадахгүй байна гэдгийг НҮБ-ийн бүс нутгийн хөгжлийг хариуцсан  мэргэжилтнүүд  тогтоочихжээ . Үйлдвэрлэсэн бүтээгдэхүүний нь ихэнх хувь нь  хог болдгоос эдийн засаг нь хямралд өртөөд байгаа гэнэ . Хүн амын олонх нь ядуу , төлбөрийн чадвар муугаас бараа нь борлуулалтгүй , моралийн элэгдэлд ороод хэнд ч хэрэггүй болчихдог  гэдгийг судалгааны дүн харуулжээ .

 

 Хүмүүс нь ядуураад байгаа гол шалтгаан нь  нь ажилгүйдэл гэнэ. Ажилгүйдэл ихэссэн нь хогтой холбоотой гэж Статистикийн төв газрын тайланд дурьджээ . Энэ нь нарийндаа бол ямар ч зардал диплом энэ тэргүйгээр эзэмшдэг  бүр гэр бүлээрээ, удам дамжин ажиллаж болох цоо шинэ  " хогчин "  гэдэг мэргэжил гарч  улсын болон хувийн байгууллагууд хүн хүчгүй болсон юм байна . Тэгээд аргагүйн эрхэнд гадаадаас " мэргэжилтэн " залаад байгаа гэнээ.

  Хог нь  " хадгалах горим "  зөрчигдсөнөөс  болж шинэ төрлийн нян микроб үүсгэж хүн ам нь янз бүрийн өвчин тусаад байгаа юм байх . Тэрийг нь оношлох эмчлэх гээд бас л зардал чирэгдэл болж улсын мөнгөний  авдар  нь хоосроод улам ядууруулаад байгаа гэнээ.

Ядаж байхад цаг уурын хатуу ширүүн  нөхцөл гэгч нь бас хогны үүсэл хөгжилд нэрмээс болдог байна . Хогоо цэвэрлэнэ дээ гэж хаваржин, зунжин , намаржин бодоод , яриад , хэлэлцээд зав нь болохгүй байж байтал цас орчихдог юм гэнэ . Хөлдүү хогийг цэвэрлэх технологи гэж хаа ч байхгүй юм чинь хаврыг хүлээхээс яахав . Хавар нь шинэ хог гараад юун ноднин уржнангийн юмыг ярихтай мантай .   

Гэхдээ ядуу ч гэсэн " айл " юм чинь хогоо арилгах гэж бодолгүй яах вэ .  Нэг нь " хогны байрлал зүйн газрын зураг " зохиогоод улсын патент авчихаж , нөгөө нь " хүн нэмбэл хог нэмэгдэнэ " гэж афоризм гаргаад авторын эрхтэй болчихож , зарим нь  түүх судлаад Чингис хааны үед ямар ч хог байгаагүй , бүр хог гэдэг үг ч үүсээгүй байсан  , худлаа гэвэл Монголын Нууц Товчоог унш гэж баталж нотлоод доктор хамгаалчихав .

Бүгдээрээ ярилцаж байгаад хамгийн том Айкү тэй , арга заль , авхаалж самбаатай  " од"-уудаа цуглуулаад Монхог  гэдэг компани байгуулж нэг нэг хадаг бариулаад гадаад руу тусламж гуйлгахаар явуулжээ.  Гадаад улсууд чинь соёлтой  , хэн ч гэсэн цэвэр ариун байхад дуртай учир бүгд л хогоо арилгаарай , гэрээ цэвэрлээрэй , саван воок , шүүр мүүрээ аваарай гээд чек өгдөг ч    нөгөө хог нь хэвээрээ . Яасан гэхээр  нөгөөдүүл чинь мөнгийг нь гадаад томилолтынхоо зардал болгож дансандаа хийчихээд зөвхөн өөрийнхөө гэрийг шүүрдээд орц гудамж руугаа гаргаад хаячихдаг юм байх .

Аргаа бараад гадаадаас шинжилгээний баг урьж учир шалтгааныг нь олж гэнэ . Яасан гэхээр манай улсын нутаг дэвсгэрт нийтдээ хог тарьдаг 2 , 614 667, 8  хүн байхад цэвэрлэдэг нь ердөө 1234 гэнээ . За тэр бутархай нь бол хүүхдийн насыг хог тарих чадварын индексээр үржүүлэхээр тийм  гарсан шүү . Одоо яахав , бүх хүнээ цэвэрлэгч болгох уу гээд бүх ард түмний  Хурилдай зарлаж санал асуулга явуулж байтал хонгилын үзүүрт 100 лааны чийдэн  гялсхийв . 

Манай улсын хог нь физик химийн урвалд сайн дураараа орж өөр төлөв байдалд шилжээд шинэ төрлийн бодис үүсгэж  зөвхөн хөрс шорооноос гадна агаар , усны найрлагад нөлөөлөөд байгаа тул Дубна дахь олон улсын шинэ бодис судлалын хүрээлэнгийн  эрдэмтдийг Соросын сангаас санхүүжүүлээд урилаа . Ажиглагчидын үзэж буйгаар энэ шинэ бодис нь  Менделеев гуайн хэдэн зуун жилийн өмнө жагсаагаад бичсэн , одоо бол эдэлж хэрэглээд дуусах шахсан зуу гаруй элэмээнтүүдээс шал өөр орчин үеийн  , маш их ач холбогдолтой  шинж чанартай " матери " байх 99 %-ийн магадлалтай юм байна .  Тэр  ч байтугай шинээр нээгдэх бодисыг нэрлэх нэрийг  тодруулах олон улсын  тендер ч  зарлажээ.  

Манайхан энэ гарах шинэ бодисоо Лондонгийн олон улсын биржид үнэ хаялцуулан зараад олсон мөнгөөрөө Техникийн Их Сургуулийн  мэргэжилтнүүдийн  зохиосон гариг хоорондын " Рубикон "   пуужинд хогоо ачаад  огторгуй ертөнцийн хар нүх рүү явуулах юм байх .

Гэхдээ энэ пуужин  хэрэг болох юм уу үгүй юу , одоохондоо ирээдүй нь бүрхэг , учир нь бүх хогоороо үйлдвэрлэл явуулаад ачих юм үлдэхгүй ч байж магад . Тэгэхдээ олсон  мөнгөө бүх хүндээ хуваагаад өгчих болохоор санаа зовох хэрэггүй гэсэн шүү . 

Харин Лондонгийн биржид ажиллах брокеруудыг шалгаруулах " конкурс " зарласан байгаа , та  ч  бас азаа үзэж болно шүү . Шалгаруулалт 2007 оны 12 сарын 15 -нд  Төрийн өмчийн 4-р байрны 308 тоотод болно . Бүртгэлийг онлайнаар  хийнэ . Хаяг   www.antitrash.com